ఇది ప్రళయమో... లేక ప్రణయమో!!

నిన్ను చూసిన తోలి క్షణమే...
మనసు మతి తప్పి నీ నామమే జపిస్తుంటే...
చూపులు గతి తప్పి నీ చిలిపి నవ్వుల అంచులలో నిలిచిపోతే...

అది,
కొత్తగా వయసొచ్చి...
మదిలో ఘనిభవించిన...
కోరికల జలపాతం...
నీ మేని మెరుపుల కాంతుల సోకిన...
ఆ వెండి కాంతుల వెచ్చదనంలో కరిగి...
నీ పిచ్చిలోనే ఉన్న మనసుని తడిపి ముద్దచేస్తుంటే...
ఆ తపనలు తడి తెచ్చిన...
అరుదైన ఆకర్షణ అనుకున్న...
ఆ ఆకర్షణలో కలిగే ఎన్నో ఆలుపెరుగని ఆలోచనలు!!
ఆ ఆలోచనలో రగిలే ఎన్నో అంతులేని ఆవేదనలు!!
అలా రగిలిన వేదనలో చెప్పలేని విరహం...
విరుల హారమేసి వరించింది!!
ఆ విరహంలో నిన్ను పొందే వరకు...
వీడని మగత మాయగా అవరిచింది!!
ఆ మాయలో మనసు మాటవినక...
కంటికి కునుకురాక...
వయసు పోరు పడలేక...
సతమతమౌతున్న!!
ఇది ప్రళయమో... లేక ప్రణయమో...
నువ్వే నిర్ణయించు... నా దిశను నిర్దేశించు!!